Европæйы ерыстæм боксæй цæттæ кæныны фарстатыл æрныхас кодтой мадзалмæ цæттæгæнæн комитеты æмбырды. Амыдта йæ Тускъаты Таймураз.
Кадджын спортивон ерыстæ сараздзысты Дзæуджыхъæуы 2019-æм азы. Нæ республикæйы боксы федерацийы президент Дзæгъойты Константин куыд бафиппайдта, афтæмæй турниры сæ арæхстдзинад равдисдзысты 300 спортсменæй фылдæр. Уыдзысты 30 бæстæйæ. Ерысты агъоммæ ма тæрхонгæнджытæн сараздзысты фæлварæнтæ. Уыдоны хатдзæгтæм гæсгæ сын раттдзысты æппæтдунеон спортивон тæргонгæнджыты нæмттæ. Дзæгъойты Константины ныхæстæм гæсгæ, сбæлвырд кодтой ерыстæ саразынмæ æппæт хъæугæ мадзæлттæ. Хæстæгдæр рæстæг спортивон комплекс Манеж цæттæ кæнын райдайдзысты ерыстæм. Уæлдай æргом аздахдзысты æдасдзинады фарстатæм.
Тагъд рæстæг Уæрæсейы боксы федерацийы минæвæрттæ æрхæццæ уыдзысты Дзæуджыхъæумæ. Тускъаты Таймураз фæбæрæг кодта, ерыстæм бæстонæй бацæттæ кæнын кæй хъæуыф, уый.
