“Предупрежден – значит защищен!”, ахæм сæргондимæ квестӕн йӕ республикон финал сарæзтой Дзæуджыхъæуы. Уыд терроризмы ныхмæ. Нæ республикæйæ дзы бацархайдтой 8 командæйы алы районтæй.
Архайджыты се ‘сфæлдыстадæй сбуц кодта Уæрæсейы национ гвардийы æфсæдты 49-æм хицæн бригады оркестр. Дарддæр та скъоладзаутæм æнхъæлмæ каст квесты 5 станцæйы. Æппæт хæслæвæрдты фӕрцы сæ зонгæ кодтой, æртхъирæнтæ æмæ фейктæ кæй хонынц, уыдоны ныхмæ куыд лæууын хъæуы, цардæн тæссаг уавæрты хи куыд дарын хъæуы. Сывæллæттæ терминтæ куыд зонынц, уый дæр сбæрæг кодтой. Квесты бынæттæй иу уыд адæмты иудзинадимæ баст.
Алы къорд дæр равдыста республикæйы цæрæг адæмыхæттытæй иуы культурæ, традицитæ, æгъдæуттæ æмæ хæринæгтæ. Уæлахиздзауты схорзæхджын кодтой майдантæ æмæ сæрмагонд лæвæрттæй. Проект у “Регион для молодых”, зæгъгæ, программæйы иу хай. Мадзал сарæзта республикæйы фæсивæды хъуыддæгты фæдыл комитет Цæгат Ирыстоны паддзахадон университеты æххуысæй. Хъавынц æй æрвылазон скæнын.
