Дзæуджыхъæуы сбæрæг кодтой згъорынæй Æппæтуæрæсеон бон «Кросс нации», зæгъгæ. Ерысты архайдтой куыд фæлтæрдджын спотсментæ, афтæ ацы спортæн аргъгæнджытæ дæр. Уæрæсейы ерыстæ цæттæ кæнынц 17 азы дæргъы. Республикæйы старт радтой доны станцæйы.
Руслан Азадьянц рог атлетикæйæ йæхи фæлвары ныр афæдзæй фылдæр. Йæ цæттæдзинад равдисын сфæнд кодта абон дæр. Лæппу разынд, иу километры дистанци æнтыстджынæй чи ацыд, уыдоны ‘хсæн.
Згъорынæй Æппæтуæрæсеон бон «Кросс нации», зæгъгæ, цæуы 2004 азæй нырмæ. Фыццаг хатт æй нæ бæстæйы бацæттæ кодтой 30 регионы. Алы аз дæр æрыгон фæлтæры архайджыты нымæц фылдæр кæны. Нæ республикæйы мадзал бацæттæ кодтой 12-æм хатт.
Программæйы — 500 æмæ 1000 метры кросстæ. Бацархайдтой дзы 300 адæймаджы. Се ‘хсæн алыхуызон цæттæдзинадимæ спорсментæ. Мадзал бацæттæ кодтой республикæйы спорты министрад æмæ рог атлетикæйы федераци.
Ерысты уæлахиздзауты схорзæхджын кодтой кады гæххæтытæй, кубоктæ æмæ майдантæй.
