Дзæуджыхъæуы спорты галуан «Динамо»-йы ацыдысты къуххæстæй гом ерыстæ. Бацархайдтой дзы Цæгат æмæ Хуссар Ирыстонæй сæдæ спортсменæй фылдæр.
Уæзы категоритæ уыдысты бирæ, фæлæ дзы сæйрагдæр уыд 90 æмæ фылдæр киллограммы. Ерыстæ байгом кодтой кадджын уавæры. Мадзалы бацархайдтой горæты муниципалон сконды сæргълæууæг Александр Пациорин, тренертæ, зындгонд спортсментæ.
Сæ иу Айларты Зауыр. Куыд фæнысан кодта, афтæмæй архайджытæ равдыстой хорз цæттæдзинад æмæ æнтыстджын бæрæггæнæнтæ. Уæлахиздзауты схорзæх кодтой кады гæххæттытæ æмæ майдантæй.
