Истори, культурæ, археологи. Æппæтадæмон скъола-конференци Цæгат Ирыстоны паддзахадон универститетмæ æрбамбырд кодта Уæрæсейы Хуссарварс, Хуссар Ирыстон æмæ æндæр бæстæтæй æрыгон ахуыргæндты. Сарæзтой йæ Уæрæсейы наукæйы бонæн. 2 боны дæргъы 5 наукон сессийы фæлгæты раныхас кæндзысты 200 архайæджы. Адæмы размæ рахæсдзысты сæ фыццаг зонадон куыстытæ.
Ирон Нартиадæйы энциклопедийы тыххæй доклад. Йæ автор – историон наукæты доктор Цыбырты Людвиг. Тагъд рæстæджы рухс фендзæн чиныджы æртыккаг том. Æппæтадæмон скъола-конференци «Кавказ йæ ивгъуыд æмæ фидæны» æрбамбырд кодта 200 архайæджы. Пленарон æмбырды æрыгон ахуыргæндтæ, аспиранттæ, студенттæ æмæ скъоладзаутæ. Скъола-конференцийы архайд сын у – наукæйы дунемæ уæндон къахдзæф.
Зонадон æмбырды сæйраг темæ сси Нартиадæ. Дзырдæн, ардæм æрбамбырд сты Цæгат Кавказы федералон зылды уæлдæр ахуыргæнæндæтты, стæй Хуссар Ирыстон æмæ æндæр бæстæты минæвæрттæ. 2 боны дæргъы ацæудзæн 5 наукон сессийы. Уыдонæй уæлдай, ахуыргæндты дæсныйадæвдисæн ахуыртæ. Цæгат Кавказ рагон заманы, астæуккаг æнусты, Фыдыбæстæйы Стыр хæсты рæстæг æмæ советон дуджы. Ныхас цыд нырыккон социалон-политикон хъуыддæгтыл. Наукон докладты темæтæ алыхуызон сты.
Æрыгон ахуыргæндты фыццаг наукон куыстытæ мыхуыргонд æрцæудзысты Цæгат Ирыстоны гуманитарон æмæ социалон иртæстыты институты периодикон рауагъдты. Зымæгон скъола-конференци арæзт цæуы 2017-æм азæй æмæ у Уæрæсейы наукæйы бон бæрæг кæныны мадзæлттæй иу.
