Цӕгат Ирыстоны ирвӕзынгӕнджытӕ сбӕрӕг кодтой æнæнхъæлæджы уавæрты министрады мобилон штабы цӕттӕдзинад. Ирвӕзынгӕнджытӕ ӕцӕг быдырон лагерь райтыгътой æрымысгæ цауы бынаты комкоммӕ. Управленийы разамонӕг Сергей Веретенников йӕхӕдӕг сбӕрӕг кодта ӕппӕт техникӕ дӕр. Федта мобилон бастдзинады, æнæпилотон операторты, медицинон кусджыты ӕмӕ ма суанг радиацион цӕстдарды цæугæ посты куыст дӕр. Хицӕнӕй ӕркастысты фӕлладуадзӕн цатыртӕ ӕмӕ быдырон къӕбицмӕ. Мобилон пункт ӕнӕхъӕнӕй дӕр цӕттӕ у кусынмӕ ӕмӕ йӕ фæрцы ирвӕзынгӕнджытæн бантысдзæн ӕрдзон кӕнӕ техногенон аваритæ аиуварс кæнын.
