МГУ-йы филологон факультеты ахуыргæндтæ архайынц ирон æвзаг бындуронæй базоныныл æмæ йæ парахат кæнынц

Мæскуыйы Паддзахадон университеты делегаци ссыд Ирыстонмæ, цæмæй ам ахуыр кæной ирон æвзаг. Уазджытæ лæмбынæг зонгæ кæнынц æвзаджы диалектты хуызтимæ, йе арæзты гъдæуттимæ, æмæ грамматикæимæ. Делегацийы уæнгтæ сты – МГУ-йы ахуыргæнджытæ, аспиранттæ æмæ филологон факультеты студенттæ. Ахуыргæндтæ кусынц Цæгат ирыстоны гуманитарон æмæ социалон иртæстыты институты. Тæлмац æмæ æндæр лыстæг хъуыддæгтæй сын æххуыс кæнынц не мзæххон филологтæ, уыдонимæ Цæгат Ирыстоны университеты ирон филологийы студенттæ. Ирон æвзаг Уæрæсейы у иунæг æвзаг, кæцы хауы ирайнаг æвзæгты къордмæ æмæ уый тынг цымыдис кæны ахуыргæндты. Ацы балц сын фыццаг нæу, специалисттæ æрвылаз вæййынц нæ республикæйы. Фæнды сæ ирон æвзаг ноджы бындурондæрæй базонын, стæй ма йæ парахат кæнын дæр.