Дзæуджыхъæуы уыд Дзæгъойты Аланы футболæй турнир. Архайдтой дзы 12 футболон скъолайы хъомылгæнинæгтæ нæ бæстæйы алы регионтæй. Се хсæн Хуссар Ирыстоны минæвæрттæ дæр. Æртæ боны командæтæ тох кодтой сæйраг кубок рамбулыныл. Финалы фембæлдысты «Юность»-ы скъолайы хъомылгæнинæгтæ æмæ Стъараполы командæ. Уæлахиздзаутæ систы Цæгат Ирыстоны футболисттæ. Ныр уыдон хъаздзысты “Большие звезды светят малым”,зæгъгæ сывæллæтты футболон лигæйы чемпионаты финалы. Уæлахиздзаутæн арфæ ракодта Цæгат Ирыстоны физкультурæ æмæ спорты министр Гæбулты Владимир. Куыд фæнысан кодта, афтæмæй фидæны аз турнир ногæй сараздзысты нæ республикæйы.
Фыццаджыдæр мæ фæнды раарфæ кæнын сывæллæттæн. Ацы рæсугъд æмæ хъæугæ турниры чи архайдта уыдонæн се ппæтæн дæр зæгъын бузныг. Фæнды мæ цæмæй нæм ахæм турниртæ фылдæр аразой. Хъазты тыххæй мæ фæнды зæгъын кæд ай размæ хъазты фæхæрд стæм, уæддæр ныр систæм уæлахиздзаутæ. Уый у тынг хорз хъуыддаг. Сывæллæттæ тынг хорз бацæттæ кодтой сæхи.
