Йе `нæниздзинад хъыгдард цы студенттæн у, уыдонæн ахуыры хъæугæ уавæртæ сразын. Цæгат Ирыстоны паддзахадон университеты уыд республикæйы уæлдæр ахуыргæнæндæтты ректорты æмбрыд. Фембæлды архайджытæ дзырдтой инклюзивон ахуырад университетты апарахат кæныны тыххæй. Зæгъæм Цæгат Ирыстоны паддзахадон университеты йе нæниздзинад хъыгдард кæмæн у ахæм студенттæ сты 80.
Ахуыргæнæндоны сын сывæрдтой пандустæ. Æппынæдзух уыдонимæ ныхас кæнынц психологтæ æмæ социалон къабазы кусджытæ. Цæгат Ирыстоны уæлдæр ахуыргæнæндæтты уæлæмхасæн программæтæ скæнынæн аххуыс кæндзæн ресурсон-ахуырадон методикон центр. Ахæмтæ алы федералон зылды дæр сты. Уæрæсейы сæ райрæзтыл ныридæгæн кусынц 3 азы.
