Цæгат Ирыстоны гæнæн ис æмæ фæзына фæндаггон змæлды организацийы центр. Уый тыххæй фехъусын кодтой республикæйы парламенты Советы æмбырды. Центры куысты руаджы фæндаггон змæлды æдасдзинад хъуамæ фæхуыздæр уа. Депутаттæ сразы сты демографион уавæр æвзæр цы регионты у, уым уавæр фæхуыздæр кæныны хъæппæрисимæ. 2022 азы 1-æм январæй фæстæмæ мадæлты капитал дæтдзысты æртыккаг æмæ цыппæрæм сывæллон цы бинонты райгуырд, фæлæ дзы раздæр чи не спайда кодта уыдонæн.
Парламентаритæ дзырдтой хъалонты фæткы федералон хъæппæрисыл. Ныхас цæуы чысыл куыстуæтты хъалонисæн системæйы куыст фæхуымæтæгдæр кæныныл. Ног закъоны æууæлтæ сæхиуыл банкъардзысты 60 милуан сомæй фылдæр йæ æфтиæгтæ кæмæн не сты, уыимæ 5 кусæгæй фылдæр кæмæ нæй, уыцы амалхъом адæм.
