Фыдыбæстæйы хъайтарты боны цытæн республикæйы ахуырадон уагдæтты сарæзтой лæгдзинады уроктæ. Уæрæсейы хъайтар Вадим Ермаковы тыххæй урок ацыд Дзæуджыхъæуы бирæвæрсыг колледжы дæр. Уыд дистанцион хуызы. Архайдтой дзы колледжы студенттæ, 21-æм скъолайы ахуыргæнинæгтæ, 3724-æм æфсæддон хайады службæгæнджытæ.
Уым йе ‘фсæддон хæс æххæст кодта Вадим Ермаков. Уымæй уæлдай, йæ хæстæджытæ, стæй, кæм рагуырд æмæ схъомыл, Брянскы облæсты уыцы посёлоктæ Московский æмæ Вышковы скъоладзаутæ æмæ ахуыргæнджытæ. Телемосты аразджытæ бацæттæ кодтой сæрмагонд программæ. Зæгъæм, студенттæ дзырдтой Уæрæсейы хъайтары сгуыхтдзинады тыххæй, йæ бинонтæ æмæ хæлæрттæ та йын афæлгæсыдысты йæ царды иннæ цаутыл.
Цæцæны фыццаг кампанийы архайæг Вадим Ермаков фæмард 1996-æм азы августы, санаторий Черноречьемæ ныббырсты рæстæг. Лæгдзинады урок сарæзтой Дзæуджыхъæуы æфсæддон хайады.
