Скусыны размæ – æнæмæнг æркаст. Æрвылбон маханиктæ æмæ электрикы райсом райдайы механизмты басгæрстæй. Хъуамæ дзæгъæл уынæр ма кæной. Æрæджы “Доныхъазтæ” каруселы ногæй раивтой зилæгон. Зæронд кæй фехæлд, уый аххосæй. Ныртæккæ сæрдынц сыхуылтæ æмæ хæйттæ. Æппæт архай дæр арæзт у æнæкъуылымпы куысты бындурыл.
Фæлæ къæрцц-къæрцц нæ фенцад. Куыд сбæрæг афтæмæй фехæлд фæзилæны къоримбырд, бахъуыд æй райхалын. Уый æнцон хъуыддаг нæу. Спайда кодтой кранæй. Уый ‘руаджы систой каруселы уæллаг хай, бавнæлдтой механизммæ.
Механизмты тыххæй æппæт информаци баххæсынц сæрмагонд журналтæм. Алы хъелаугæнæн дæр ис хицæн фыссæнгарз. Æмткæй Олимпиаг парчы сты 9. Бинонтæн, сывæллæттæн æмæ экстремалон хуызтæ. Иуæй фæстæмæ иннæтæ уагъд сты Евпропæйы. Фæлгæсæн цалхы бæрзæнд у 50 метры. Уæрæсейы уагъд аттракцион сæвæрдтой ивгъуыд аз сæрды. Бæстæйы арæзт конструкцитæн нымад у сæ зындæрыл.
Фæткмæ гæсгæ æркастæй уæлдай аттракционтæ хъуамæ ацæуой техникон цæстдард. Олимпаг парчы йæ аразынц 2016-æм азæй. Специалисттæ сæрмагондæй ссæуынц Мæскуыйæ.
Ацы азæй паркы разамынд æмгуыст кæны республикæйы хъæууон хæдзарады министрадимæ. Ведомство кæсы аттракционты цæттæдзинадмæ. Дзуапп дæттынц сæ регистрацийæн. Фæлгæсæн цалхæн сæрмагондæй номыр дæр снысан кодтой. Хæстæгдæр рæстæг хыгъды сæвæрдзысты ноджы æртæ аттракционы.
Æрвылаз республикæйы хъæууон хæдзарады министрады специалисттæ пъланмæ гæсгæ саразынц басгæрст. Сезоны размæ та æнæмæнг профилактикон æркаст. Æмткæй райсгæйæ Цæгат Ирыстоны ис 20 аттракционмæ ввахс. Уыдонæй 11 сты ведомствойы хыгъды.
