Цæгат Кавказы хæххон-металлургон институты студенттæ федтой æфсæддон намысы энергообъект “Дзæуджыхъæу-1”-ы куыст.
Радзырдтой сын йæ историйы тыххæй, бынаты сын равдыстой архайды пункттæ. Фæсивæды фылдæр сцымыдис кодта системæйы сæйраг хай — диспечерты бынат. Ам цæуы æппæт змæлд, райсынц дзы æвæстиаты сигналтæ, курдиæттæ, ардыгæй арвитынц бригадты. Специалисттæ радзырдтой схемæты арæзтады тыххæй. Системæйы алы лини æмæ хуызæн дæр йæхи нысаниуæг ис. Уый фæстæ æрыгон адæмæн радзырдтой Фыдыбæстæйы Стыр хæсты зын рæстæджыты тыххæй. Ахæм уавæрты кусджытæ электрон тыхæй ифтонг кодтой куыстуæттæ, ахсджиаг объекттæ æмæ цæрджыты. 754-æм Зенитон-артиллеристон полчы хъæбатырдзинады ‘руаджы дæлстанцæ бахъахъхъæнын бантыст. 1934-æм азæй кусы нысангонд фæткмæ гæсгæ.
