Дзанайты Барис амыдта æртæфарсон къамисы æмбырд социалон-фæллойадон ахастыты фæдыл

Цӕгат Ирыстоны республикон ӕртӕфарсон къамисы ӕмбырды Дзанайты Барисы разамындӕй ӕрныхас кодтой куыстифтонгад ӕмӕ социалон ӕххуысы сӕйраг фарстатыл. Ахуырады министр Алыбегты Эллӕ фехъусын кодта чемпионат “Абилимпикс”-ы хатдзӕгты тыххӕй: архайдтой дзы 400 адӕймаджы онг 45 компетенцимӕ гӕсгӕ. Сӕ хуыздӕртӕ регион равдисдзысты федералон ӕмвӕзадыл. Кабмины сӕргълӕууӕг куыд бафиппайдта, афтӕмӕй сӕйраг нысан у инвалидты ӕмӕ сæрмагонд операцийы архайджыты куыстифтонгад. Инвестицион проектты фӕрцы республикӕйы хъуамæ фæзына 7 мин кусӕн бынаты бӕрц, ӕмӕ премьер бабар кодта рагацау кадртӕ цӕттӕ кӕнын бизнесы бӕлвырд домӕнтӕм гӕсгӕ. Дзуапдæттæг комитеты сӕрдар Анжела Эммануилиди куыд фӕбӕрӕг кодта, афтӕмӕй ивгъуыд азы дӕргъы куысты ныллæууыдысты 129 инвалиды, куыстдæтджытæн уый тыххæй раздахдзысты 200 мин сомы онг. Фӕллойы министры хӕдивӕг Маматы Анджелæйы ныхӕстӕм гӕсгӕ, фиддонты системӕмӕ хаст ӕрцыд уӕлӕмхасӕн зондамоныны тыххӕй. Дзанайты Барис бабар кодта цӕрджытӕн куыст ӕмӕ аккаг мыздӕй ифтонг кӕныны иумӕйаг системӕ саразын, ӕппӕт федералон амынддзинӕдтӕ хынцгӕйӕ.