Дзанайты Барис амыдта экономикон рӕзты министрады куысты фарстаты фӕдыл ӕмбырд

Дзанайты Барис амыдта экономикон рӕзты министрады куысты фарстаты фӕдыл ӕмбырд. Архайдтой дзы профилон министры хæстæ æххæстгæнæг Олег Быкадоров, йæ хæдивджытæ Дзесты Марат æмæ Хлойты Тамерлан, ведомствæйы дӕлбар организациты разамонджытӕ. Ныхас кодтой регионы экономикон рӕзты министрады архайдимӕ баст фарстатыл. Бӕстон ӕркастысты инвестицион проекттӕ куыд ӕххӕстгонд цæуынц, уымæ. Республикӕйы уӕлдай ӕргом здӕхт цӕуы нырыккон инфраструктурӕмæ. Аразынц фондз кемпингы ӕмӕ глэмпингы федералон субсидиты фӕрцы. Кабмины сӕргълӕууӕг йӕ хъус ӕрдардта гид-экскурсоводты цӕттӕдзинады хӕрзхъӕддзинадмӕ дæр. “Цӕмӕй нӕ уазджытӕ регионы истори, культурӕ ӕмӕ традициты тыххӕй бӕлвырд информаци базоной, уый тыххӕй гидтӕ хъуамӕ ацӕуой паддзахадон аттестаци ӕмӕ райсой бардæттæг гæххæттытæ”, — загъта премьер. Ӕмбырды хатдзӕгтӕм гӕсгӕ Дзанайты Барис бабар кодта, цӕмӕй алы здæхты дæр куыст фӕтыхджындӕр уа ӕмӕ ведомствæты ‘хсӕн ӕмархайд фӕхуыздӕр уа республикӕйы рӕзты нысантӕ сӕххӕст кӕныны тыххӕй.