Республикæйы бюджеты æфтиæгтæ æхсæз мæймæ равдыстой 21 миллиард 700 милуан сомы. Хæрдзты нымæц та у 22 млрд сомæй фылдæр. Хъалон æмæ æнæхъалон æфтийæгты бæрц схызтис æдæппæтæй 7 млрд 652 милуан соммæ. Уый тыххæй фехъусын кодтой хицауады æмбырды.
Дзырдтой æрыгон специалисттæн æххуысы мадзæлттыл. Цæрджытæн куыст дæттыны паддзахадон программæйы фæлгæты 11 рауагъдоны ацæудзысты бынæттон администрациты стажировкæ. Уымæн рахай кæндзысты 700 мин сомы. Дзанайты Барисы ныхæстæм гæсгæ, ахӕм хуызы рауагъдонтæн куысты нылæууын уыдзæн æнцондæр. Ныхас кодтой хъæуууон хæдзарады амалиуæггæнджытыл. Ацы аз аграритæ хи хæдзарады рæзтæн райстой 150 милуан сомæй фылдæр.
