Дзанайты Барис амыдта инвалидты хъуыддӕгты фæдыл советы ӕмбырд

Йе ‘нӕниздзинад хъыгдард кӕмӕн у, уыдоны медицинон, социалон, фӕллойадон ӕмӕ социокультурон реабилитацийы фарстатыл æрдзырдтой инвалидты хъуыддӕгты фæдыл советы ӕмбырды. Амыдта йӕ Дзанайты Барис. Республикӕйы Социалон фонды хайады разамонæг Милдзыхты Аслан фехъусын кодта куысты хатдзæгты тыххӕй. Фарон социалон ӕмӕ медицинон реабилитацийӕн цы техникон фæрæзтæ балхæдтой, уыдоны аргъ — 290 милуан соммӕ ‘ввахс, ацы азы райдианæй та – 126 милуанӕй фылдӕр. Ӕххуысцух адӕмӕн раттынц санаторон-курортон путевкӕтӕ, бæлæууынц сæрмагонд операцийы архайджытӕ ӕмӕ ветеранты фарсмæ. Дзырдтой реабилитацийы республикон центры архайдыл дæр. 2025-æм азы уым балӕггад кодтой 550 адӕймагӕн, уыдонимӕ сæрмагонд æфсæддон операцийы архайджытӕ ӕмӕ сӕ бинонтӕ. Директор Цӕллагкаты Жаннӕ фӕнысан кодта, центр материалон-техникон ӕгъдауӕй ногӕй сифтонг кӕнинаг у ӕмӕ йæ хъæуы цалцӕг кӕнын. Дзанайты Барис бабар кодта уавæр сбӕрӕг кӕнын ӕмӕ фарста аиуварс кӕнынмæ бавналын. Стыр куыст цӕуы, йе ‘нӕниздзинад хъыгдард кӕмӕн у, уыдоны ‘ргом сфӕлдыстадон проекттӕм раздахыныл. Республикӕйы ис 7 инклюзивон театры. Премьер бафиппайдта, цӕрджытӕн мадзӕлтты тыххӕй хъусын кӕнын кӕй хъӕуы.