Республикæйы иумæйаг бюджеты бæрæггæнæнтæ афӕдзы фыццаг ӕмбисы рауадысты 30 млрд 205 милуан сомы æфтиæгтæм гæсгæ, хæрдзтæм гæсгæ — 2 млрд 623 милуанæй фылдæр. Хæрдзты хæстæ æххæстгонд æрцыдысты нысангонд рæстæгмæ 28 млрд 62 милуан сомы аргъ. Уый тыххæй хицауады æмбырды фехъусын кодта финансты министры хæдивæг – Андиаты Зæринæ. Хъалонты æмæ æнæхъалонты æфтиæгтæ сты 11 млрд 351 милуан сомы, уый у бюджеты нысанты 48,3%. Лæвар республикæмæ æрбацыд 14 млрд 370 милуан сомы, дотацитæ та 8,5 млрд сомы. Бюджеты структурæйы ‘ргом здæхт у социалон къабазмæ. Иумæйаг бæрцæй у 72, 5%.
Уымæй уæлдай Министрты кабинеты æрдзырдтой федералон проект “Фæллойадон æнтыстдзинæдты бæрæггæнæнты” тыххæй. Хауы нацпроект “Эффективная и конкурентная экономика”-ы хыгъдмæ.
