Мызд афойнадыл фидын, ног куысты бынæттæ скæнын, уыимæ чи ис, уыдон бахъахъхъæнын. Дзанайты Барисы разамындæй уыд цæрджытæн куыст дæттыны фарстаты фæдыл æмбырд. Уавæр фæхуыздæр кæныны тыххæй республикæйы æххæстгонд цæуы сæрмагонд паддзахадон программæ. Йæ æууæлты тыххæй радзырдта профилон комитеты сæрдар Платы Альбинæ. Бæлвырддæр та, цавæр къахдзæфтæ акæнын хъæуы, цæмæй сӕйраг аххоссæгты тыххæй мызд фидыны мадзæлттæ куыстдæттыны комитет йæхимæ райса.
Аххоссæгтыл, зæгъæм, нымад цæуынц санкциты фæстæ цы фæстиуджытæ фæзынд, уыдон. Уымæ гæсгæ, йæ архайд кæмæн фæкъуылмпы, уыцы куыстуаты специалисттæн-иу дзуапдæттæг комитет æрвылмæй рахай кæндзæн 20 400 сомы. Дзанайты Барис бабар кодта хуымæтæг кусджытæ æмæ бизнесы минæвæрттимæ фембæлдтытæ арæхдæр аразын.
