Дзанайты Барисæн уыд кусæг фембæлд Монон хӕзнатӕ бахъахъхъӕныны ӕххуыæн арӕзт цӕдис «Христианский мир»-ы минæвæрттимæ. Ныхас цыд Æппæтадæмон форум «Христианство на Кавказе: традиции и современность»-мæ цæттæгæнæн мадзæлттæ æмæ йæ Дзæуджыхъæуы саразыныл.
Мадзал баст у Аланийы аргъуыды 1100 азы бæрæгбонимæ. Форумы нысан – Цæгат Кавказы нациты ‘хсæн бастдзинад сфидар кæнын. Бацархайдзысты дзы 300 адæймагæй фылдæр. Се ‘хсæн æхсæнадон, наукон, этнокультурон, дины æмæ ахуырадон организациты минæвæрттæ. Уымæй уæлдай, паддзахадон оргæнты, стæй Цæгат Кавказы æмæ Хуссар федералон зылды бынæттон хиуынаффæйады кусджытæ.
Форумы фæзуатыл уыдзæн байхъусæн æппæтадæмон эксперттæм дæр. Дзанайты Барис куыд фæнысан кодта, афтæмæй Аланийы аргъуыды 1100 азы бæрæгбон уыд регионы разамонæг Сергей Меняйло æмæ Патриарх Кириллы фембæлды ахсджиагдæр темæ. Цæдис «Христианский мир»-ы президент Алексей Черкезовы ныхæстæм гæсгæ, чырыстон форумы фæсивæдæн Цæгат Ирыстоны уыд 2014-æм азы дæр.
