9 мин сабийæ фылдæр ацы азы бацæудзысты 1-æм къласмæ. Уый тыххæй аппаратон æмбырды фехъусын кодта Ахуырад æмæ наукæйы министр Алыбегты Эллæ. Ахуыры азы райдианмæ байгом кæндзысты 450 фыццæгæм къласы.
Сергей Меняйло бабар кодта æххуысцух бинонты скъоладзау сывæллæттæн хъæугæ дзауматæ раттын. Уымæй уæлдай, 1-æм сентябрæй ахуыргæнджытæн фæсурокты архайды тыххæй снысан кæнын уæлæмхасæн фиддонтæ. Ахсджиаг фарстаты ‘хсæн — «Ахуырады райрæзты» паддзахадон программæйы архайд. Республикæйы Арæзтад æмæ архитектурæйы министр Моргуаты Константин куыд фехъусын кодта, афтæмæй ныртæккæ бындурон цалцæджы тыххæй курдиат бадæттæн ис 68 объекты тыххæй.
Фæлæ Мæздæджы районы хыгъдон гæххæттыты ис къуылымпыдзинæдтæ. Республикæйы сæргълæууæг бынæттон администрацийæн бабар кодта цыбыр рæстæгмæ уавæр сраст кæнын.
