Дзанайты Барис сарæзта социалон-фæллойадон ахастдзинæдтæ нывыл кæныны æртæфарсон къамисы æмбырд. Хицауады сæрдар бабар кодта куысты бынæттæ гом кæныны фæдыл цы инвестицион бардзырдтæ ис, уыдоныл кусын. Уæлдай æргом — сæрмагонд æфсæддон операцийы архайджытæ, сæ бинонтæ, инвалидтæ æмæ æрыгæттæм.
Республикæйы пайда кæнынц проект “Кадры”-йы механизмтæй æмæ æххуысы регионалон мадзæлттæй. Дзуапдæттæг комитеты разамонæг Элла Авакова куыд загъта, афтæмæй афæдзы райдианæй куыстдæттыны службæмæ фæсидтысты 4 мин адæймагæй фылдæр. Уыдонæй 61% сты æгуыст æмæ исынц фиддоннтæ. 1-æм июлы уыдысты 2,5 мины, се ‘рдæгæй фылдæр куысты ныллæууыдысты. Ахуырады министр Алыбегты Эллæ куыд загъта, афтæмæй бюджетон бынæттæ нысангонд цæуынц, республикæйы экономикæйы домæнтæ хынцгæйæ. Ахсджиагдæр сты педагогикæ, æнæниздзинадхъахъхъæнынад, арæзтадон къабаз, агропромышленнон комплекс, туризм.
