Сергей Меняйло фембæлд Уæрæсейы вице-премьер Дмитрий Чернышенкоимæ. Кусæг æмбырды æрныхас кодтой ахуырад æмæ наукæйы, фæсивæдон политикæ, спорты æмæ туризмы райрæзтыл. Бæстæйы хицауады сæрдары хæдивæг куыд фæнысан кодта, афтæмæй Цæгат Ирыстон хицæн кæны йæ алæмæты æрдз æмæ хъæздыг культурæйæ æмæ уый республикæ туризмæн цымыдисаг у.
Конкурсмæ гæсгæ, республикæ туристон инфраструктурæйы райрæзтæн райсдзæн 1 млрд сомы. Уый бæстæйы дыккаг бынат у æххуысы гуырахстмæ гæсгæ. Стыр æргом ма аздæхтой спорты рæзтмæ дæр. Уымæй уæлдай ма Сергей Меняйло куыд фехъусын кодта, афтæмæй регионы социалон-экономикон райрæзты пъланмæ бахастой ног проекттæ.
