Дзуапдæттæг кусджыты архайд фæхъомысджындæр кæнын, уыимæ туаггуыры системæйы рацарæзт фæрæвдздæр кæнын. Ахæм хæс хицауады сæрдар Дзанайты Барис сæвæрдта æнæниздзинад хъахъхъæнынады министры хæстæ рæстæгмæ æххæстгæнæг Тебиаты Сосланы размæ.
Ныртæккæ цæуынц цæттæгæнæн мадзæлттæ. Системæйы цалцæгæн рахай кодтой 113 милуан сомы. Тебиаты Сосланы ныхæстæм гæсгæ сног кæндзысты реанимаци æмæ интенсивон терапийæйы хайад. Сæвæрдзысты дзы ног кусæнгæрзтæ, уыимæ бæстыхайы æддаг бакаст дæр саив кæндзысты.
Тагъд æххуысы клиникон рынчындоны фæзындзæн туаггыры дыууæ ног цистернæйы. Афтæмæй æххæстгонд æрцæудзысты дзæбæхгæнæндоны гæнæнтæ æмæ авналæнтæ. Дзанайты Барис специалисттæн бабар кодта туаггыры системæ тагъддæр банывыл кæнын, цæмæй уый хыгъд куыстыты хæрзхъæддзинад дызæрдыггаг куыд нæ уа, афтæ.
