Дзанайты Барис фембæлд спорты министрад æмæ йæ бæрны цы кусæндæттæ ис, уыдоны разамонджытимæ. Ныхас цыд уыцы организациты финансон-хæдзарадон куыст фæхуыздæр кæныныл.
Премьер-министр куыд фæбæрæг кодта, афтæмæй Цæгат Ирыстон схъомыл кодта зындгонд спортсменты бирæ фæлтæртæ, æмæ дарддæр дæр спорты рæзтæн æмбæлгæ фадæттæ аразын у республикæйы хицауады вазыгджын хæстæй иу. Цæгат Ирыстоны физкультурæ æмæ спорты министры хæстæ рæстæгмæ æххæстгæнæг Хуадонты Артур куыд радзырдта, афтæмæй министрады бæрны ис 24 кусæндоны. Уым спорты алы хуызты архайынц 11 мин адæймаджы. Уымæй уæлдай ма министр фехъусын кодта, спортивон организациты бюджетон политикæ æмæ æнæбюджетон куысты тыххæй. Дзанайты Барис бабар кодта, уыцы организациты куыст раст саразын, цæмæй сæм фылдæр рæзты гæнæнтæ æмæ уæлæмхасæн фæрæзтæ фæзына.
