Республикæйы хицауады сæрдар Дзанайты Барисы разамындæй ацыд сæрмагонд æмбырд. Æрдзырдтой Фыййагдон æмæ Мызуры хъæздыггæнæн фабрикæтæ, уыимæ Дзæуджыхъæуы клинкер цы знаггад æрхастой æрдзæн, уый аиуварс кæныны гæххæттыты цæттæдзинадыл. Премьер бабар кодта Цæгат Ирыстон сыгъдæгдзинады къабазы цы федералон æмæ националон проектты архайы, уыдоны фарстатыл бакусын. Æрдзон æвæрæнтæ æмæ экологийы министр Кокойты Витаталий фехъусын кодта, ныртæккæ хъæугæ гæххæттытæ цы къæпхæныл сты, уый тыххæй. Бафтыдта, æнгомæй кæй архайынц Уæрæсейы фæлхасгæнджыты цæстдарды управлени, уыимæ Стъараполы лабороторон иртæстыты центримæ.
Хицауады сæрдар зæрдыл æрлæууын кодта, ацы фарстамæ Сергей Меняйло кæй бабар кодта уæлдай æргом аздахын. Æмбырды хатдзæгтæм гæсгæ бæрнон кусджытæ райстой сæрмагонд амынддзинæдтæ. Цæмæй федералон проект «Генеральная уборка»-йы фæлгæты дарддæр куыст æнтыстджынæй цæуа.
