Райсом æгас бæстæ бæрæг кæндзæн Зонады бон. Нæ историйы ахсджиаг бынат ахсы. 7-æм февралы, 299 азы размæ байгом Уæрæсейы Наукæты Академи. Дзæуджыхъæуы скъоладзаутæ бæрæгбоныл сæмбæлдысты зонадон ерыстӕй. 9-11-æм кълæсты ахуыргæнинæгтæ тох кодтой, куыд гуманитарон, афтæ техникон здæхты дæр. Ерысты бацархайдтой 4 ахуырадон уагдоны, алкæцыйы дæр хицæн тематикæ.
Зæгъæм, 44-æм скъолайы сæ зонындзинæдтæ æвдыстой математикæ æмæ физикæйæ. Радио фыццаг чи сарæзта æмæ градусы 1/60 хай цас у, – фæрстытæ алыхуызон уыдысты. Æппæтæй хуыздæр йæхи равдыста промышленнон районы командæ. Скъолайы наукæйы фестиваль эксперименты хуызы расидтысты Дзæуджыхъæуы Ахуырады управленийы. Сæ ныхæстæм гæсгæ, ахæм хуызы скъоладзаутæ нæма ерыс кодтой.
