Дзанайты Барисы разамындæй ацыд амалхъом адæмæн æххуысы гæнæнты фæдыл æмбырд. “Мой бизнес” ацы аз бакодта 10 мин лæггадæй фылдæр. Республикæйы æнтыстджынæй кусы экспортмæ фæкæсыны центр. Афæдзы райдианæй бакуыстой 27 куыстуаты 40 куриатыл.
Уымæй уæлдай, бафыстой 8 егъау бадзырды, сарæзтой 3 æппæтадæмон бизнес-хæслæвæрды. Кредитон гарантиты фонд та балæууыд 30 куыстуаты цур, уый руаджы райстой уæлæмхасæн инвестицитæ. Финансон æххуысы чысыл программæ хорзы ‘рдæм фæзынд 50 амалхъом адæймагæй фылдæрыл.
Уыимæ, профилон министр Сокаты Мараты ныхæстæм гæсгæ, Цæгат Ирыстон бизнесæн æххуысы мадзæлттæ сæххæст кæнынæн райста 18 млн сомы. Æппæт фæрæзтæ дæр æххæстæй хардзгонд æрцыдысты.
Дзанайты Барис бабар кодта æххæстгæнæн оргæнтæ æмæ бæрнон специалисттæн, цæмæй саразой бæстон иртæст, бацæттæ кæной цы æххуыс бакодтой, уый фæдыл бæлвырд информаци. Ныхас цæуы, куысты бынæттæ саразыныл æмæ хъалонты фиддонты бæрæггæнæнтыл. Æхцайы фæрæзтæ куыд хардзгонд цæуынц, уымæ хъуамæ уа бæстон цæстдард.
