Дзанайты Барисы разамындæй уыд хицауады æмбырд

Чапаевы хид æмæ Къесаты Колкайы уынгæй Чапаевы уынджы онг фæндаг бахастой Дзæуджыхъæуы исбонмæ. Уынаффæ рахастой хицауады æмбырды. Æрдзырдтой горæты зæххы хæйттæ цас кæнынц, ууыл дæр. Бæрнон министр Тедеты Руслан куыд загъта, афтæмæй аргъ нысан кæндзысты зæххы кодексы фæлгæты. Афтæ базарады æууæлтæ бааууон кæнæн нæ уыдзæн. Ныхас ма цыд республикæйы бюджет ивгъуыд азмæ куыд сæххæст, ууыл. Фыццаградон хæстæй иу — мызды бæрцыл бафтауын. Оксана Каровайы ныхасмæ гæсгæ, уымæн рахай кодтой 9 млрд сомæй фылдæр, фаронæй 18% фылдæр. Æргом аздæхтой “Физкультурæ æмæ спорты рæзты” паддзахадон программæ æххæст кæнынмæ дæр. Йе ‘ххуысæй хъуамæ фæхуыздæр уа инфраструктурæ æмæ материалон-техникон бындур.