Дзанайы фырты æмæ Марковы номыл уынджы тигъыл цы рагон хæдзар ис, уый тагъд йæ хуыз скалдзæн. Ныртæккæ аразджытæ ахорынц бæстыхайы æддаг къул. Хæдзар Сталины замантæй у. Объект нымайынц культурон хæзнайыл. Йæ рацарæзт райдыдта афæдз размæ. Цалцæггæнинаг уыд. Тыргътæ згълдысты, уæлхæдзары мæсгуытæ ныппырх сты. Цæрджытæ рацарæзт мæ æхсызгонæй æнхъæлмæ кастысты. Фæлæ хæдзар цы хуызæй ахорынц, уый сæ дисы бафтыдта.
Ацы хæдзары бинонтæ ивынц фæлтæргай. Адæм куыд зæгъынц, афтæмæй бæстыхайы æддаг бакаст алкæддæр æнцон базонæн уыд. Къулсæрст конд уыд бельгийаг уникалон технологимæ гæсгæ, ‘фтыд ма йыл уыд авджы муртæ, боны алы афонты къулсæрст йæ хуыз ивта.
Хæдзары къамтæ мыхуыр кодтой посты къамфыстытыл, маркæтыл æмæ ма суанг газзетты дæр. Цæрджытæ куыд зæгъынц, афтæмæй бæстыхайы аивдзинад фесæфт. Бæстыхайы раздæры хуыз хъахъхъæд цæуылнæ æрцыд, фарстæн сын рестовратортæ радтой ахæм дзуапп.
Проектимæ сразы сты культурон хæзнатæ хъахъхъæныны комитеты. Заказгæнæг – бындурон цалцæджы Фонд. Æнцон куыст нæу. Сæйраг нысан уыд бæстыхайы æддаг къул сног кæнын. Мæсгуыты цæджындзтæ æмæ æнцойгæрæнтæ баивтой. Сног кодтой подъезды рудзгуытæ дæр.
Специалистты ныхæстæм гæсгæ, ивадсырх хуыз снысан кодтой къулсæрсты мидæггаг цъæрттæм гæсгæ. Алцыдæр реставрацион мадзаладмæ гæсгæ.
Адæм уæддæр сæ хъуыды нæ ивынц. Ныридæгæн курдиæттæ ныффыстой прокуратурæмæ, Культурæйы, цæрæнуæтты-коммуналон хæдзарады министрадтæм, республикæйы сæргълæууæг Сергей Меняйлойы номыл. Зæрдæ дарæн ис дыууæ фарсы дæр иу хъуыдымæ кæй æрцæудзысты, ууыл.
