Ацы æрмадзы вæййы тынг сабыр. Джиоты Вадимы хъуамæ йæ куысты мацы хъыгдара. Рагон æрмæг æмæ инструменттæ, сæйрагдæр та – адæймаджы миддунейы ахаст ам уæвгæйæ.
Джиоты Вадимы коллекцийы ис рагон хиконд дзауматæ. Аадæймаджы абалц кæнын кæнынц рагзамантæм. Куы йæ бафæрсай, цал азы кæны ацы куыст – уæд фæзæгъы йæ сабибонтæй фæстæмæ. Уæлдай тынг та æм ацы аивадмæ цымыдисдзинад фæзынд наукон экспедициты рæстæг.
Ныр та уникалон дзауматæ Джиоты Вадим аразы йæхæдæг. Æмæ уыдонæй алы предмет дæр свæййы ирон адæмы культурон бынты иу хай. Алы дзаумайы дæр дæсны бавæры цавæрдæр нысаниуæг. Йæхæдæг та афтæ зæгъы – “Æз уæрыкк куы фæаразын, уæд Ирыстоны æнæмæнг райгуыры лæппу”. Æмæ афтæмæй, уарзондзинады æнкъарæнтимæ кæны йæ куыст. Æрмæст афтæ хъæуы архайын. Ууыл Джиоты Вадимы сахуыр кодта йæ фыд – нывгæнæг. Уый æрмадзы ацыдысты йæ сабибонтæ. Йæ фыццаг куыст та æрхъуыды кæны мидбылты худгæйæ.
Ныр та йæ фæлтæрддзинад лæвар кæны фæсивæдæн. Æрæджы Джиоты Вадим рамбылдта культурон хъæппæристы Президентон фонды грант. Дæсныйад æвдисæн ахуыртæ аразы адæмæн. Арæх ардæм æрбацæуынц студенттæ. Фæсивæд куыд зæгъынц, афтæмæй сæм тынг цымыдисаг кæсынц Джиоты Вадимы куыстытæ.
Джиоты Вадим ма фæнд кæны фылдæр фæсивæдæн амонын ацы архайды сусæгдзинæдтæ. Куыд зæгъы афтæмæй ма йæ фæнды æрыгон адæммæ сфæлдыстадон хъуыдытæ парахат кæнын. Æмæ уæд сæ архайд уыдзæн цымыдисаг.
