Фæлхасгæнджытæм цæстдарды управленийы кусджытæ æрвылбон бабæрæг кæнынц ахуырадон кусæндæттæ

Цæгат Ирыстоны эпидемиологон уавæр сабыр у. Æхснырсæгæй рынчынты нымæц эпидемиологон æмвæзадæй ныллæгдæр у 0,8%. Фæлхасгæнджытæм цæстдарды управленийы специалисттæ пъланмæ гæсгæ арæх бабæрæг кæнынц ахуырадон кусæндæттæ. Абон уыдысты Дзæуджыхъæуы 4-æм гимназы, федтой райсомы æркасты архайд. Сывæллæттæн барстой сæ буары температурæ, алы къласы, уыимæ тыргъты æмæ фойейы кусынц уæлдæф сыгъдæггæнæнтæ. Медицинон кабинет ифтонггонд у антисептиктæй, дезинфекцигæнæн фæрæзтæй. Ахæм мониторингтæ скæнынц æппынæдзух, басгарынц 20-30 объекты.