Фæлладуадзæн бонты Дзæуджыхъæуы уынгтæй раластой быроны 100 тоннæйæ фылдæр. Зиу саразыны хъæппæрис разынд регионалон оператор «ЭРА»-мӕ.
Санитарон уавæр фæхуыздæр кæнынмæ Дзæуджыхъæуы уынгтæм рацыд компанийы 50 кусæгæй фылдæр. Æфснайынмæ ракодтой сæрмагонд техникæйы 12 иуæджы. Регионалон оператор ссыгъдæг кодта горæты фæзуат хъæбæр хауæццæгтæй, уыимæ уынгтæ сыфтæрты обæуттæй. Хæстæгдæр рæстæг ма компани «ЭРА»-йы минæвæрттæ фæнд кæнынц ноджы иу зиу расидын.
