Иумæйаг паддзахадон фæлварæнты рæстæг кæй æрбахæццæ кæны, уый тыххæй абон Дзæуджыхъæуы уыдис скайп-конференици. Рауагъдонты, сæ ныййарджыты æмæ ахуыргæнджыты фæрстытæн дзуапп лæвæрдтой Уæрæсейы ахуырад æмæ наукæйы министры хæдивæг Сергей Кравцов æмæ бæрнон специалисттæ.
Эксперттæ ныхас кодтой фæлварæн рацаразыны фæтк æмæ йæ халыны фæстиуджытыл. Стыр æргом аздæхтой, цы ногдзинæдтæ ма фæзындзæн, уыдонмæ. Фæлварæн дæттæг фæсивæдмæ телефон кæнæ сусæг фыстытæ куы разына, уæд сæ æвæстиатæй аиуварс кæндзысты. Ногæй сын æй радтыны бар уыдзæн афæдзы фæстæ. Министры хæдивæг ма æрдзырдта апелляцийы уагæвæрдыл. Гæнæн ис, æмæ уый фæстæ баллты нымæц фæкъаддæр уа. Фæрстытæ бирæ уыд æмæ æнæ дзуаппæй ничи баззад. Скайп-конференцийы архайджыты `хсæн уыдысты Красноярск, Петербург, Севастополь æмæ Волгограды минæвæрттæ.
