«Фистæгцæуæг», зæгъгæ, профилактикон мадзал цæуы Цæгат Ирыстоны. Йæ сæйраг нысан у адæмы фæндаггон фыдбылызтæй бахъахъхъæнын. Инспектортæ сæ цæст дарынц, Дзæуджыхъæуы æмæ нæ республикæйы районты фылдæр змæлд кæм ис, уыцы бынæттæм.
Профилактикон мадзæлтты фæрцы инспектортæ уæлдай æргом здахынц сывæллæтæм. Хæдтулгæты шофыртæ дæр къаддæр аххосджын нæ вæййынц. Фылдæр хатт фистæгцæуджытæн нæ дæттынц фæндаг.
Сæрмагондæй барадхъахъхъæнджытæ уромынц, фæндаджы фæтк чи халы, уыдоны. Кæнынц семæ æмбарынгæнæн куыст. Фæлæ æгæр-æгæр чи кæны, уыдоны бахъæуы административон иварæй æфхæрын. Уый та у иу минæй дыууæ мин соммæ ‘ввахс.
