Æргомзæрдæ æмæ æнæхин. Афтæ дзуры йæ хъомылгæнинæгты тыххæй фольклорон кафты театр «Æртхурон»-ы разамонæг Бестауты Георгий. Ныр æртыккаг аз хореограф кусы хурæнгæс сывæллæттимæ. Ахуыртæ сабитæн хæссынц алывæрсыг пайда. Рæзы сæ хъуыдыкæнынад. Къаддæр нысаниуæг нæй, æхсæнады архайгæйæ цы фæлтæрддзинад исынц, уымæн дæр.
Алы ахуырмæ дæр æнхъæлмæ кæсынц æхсызгонæй. Хурæнгæс сывæллæттæн кафджыты студи æппынæдзух вæййы ирд æнкъарæнтæй хъæздыг. Сæхи фæлварынц куы хистæртæ, афтæ сывæллæттæ дæр. Æдæппæтæй 15 адæймаджы. Уæлдай æхсызгон та вӕййы ныййарджытæн. Сæ ныхæстæм гæсгæ, сывæллæтты алывæрсыг рæзтӕн кафджытæ сты стыр ахъаз.
Студи ныр æртыккæгæм аз æнтыстджынæй кусы педагогон колледжы хъæппæрисæй. Стыр æвæрæн ӕм хæссынц организаци «Время перемен» æмæ Æртхурон ансамблы аивадон разамонæг Бестауты Георгий. Ахуыртæ цæуынц къуыри дыууæ хатты, уыимæ лæвар. Георгийы ныхæстæм гæсгæ, ацы архайд ын дӕтты æрмæст æхцондзинад.
Хурæнгæс сывæллæттæ æнтыстджынæй сæ арæхстдзинад равдисынц «Æртхурон» ансамблимæ алыхуызон мадзæлтты. Зæгъæм, æрæджы Сывæллæттæ хъахъхъæныны æппæтдунеон бонмæ адæмы размæ рахастой рӕсугъд кафт. Фæззæджы та студи сæ курдиат нæ бавгъау кæндзæн фестиваль «Алтын-Майдан», уыимӕ Казаны Хурæнгæс сывæллæтты фестивалы.
