Дзгойты Таймураз æмæ Тимур Александр Суворовы номыл училищæйы хъомылгæнинæгтæ сты. Æвзонг лæппутæ куыд зæгъынц афтæмæй фидæны дæсныйад равзарыныл бирæ нæ хъуыды кодтой. Сæ фыды къахвæндæгтыл ацыдысты. Дзгойты Хаджумары ныхæстæм гæсгæ сывæллонæй сæ хæдзары рæсты æфсæддон формæйы дыууæ нæлгоймаджы куы æрцыдысты, уæд æй фидарæй бамбæрста йæ фидæны фæндаг цавæр уыдзæн, уый. Ахуыр кæнынмæ бацыд Таджикистаны Суворовы номыл скъоламæ. Ныр, къорд азты фæстæ йæхæдæг хъомыл кæны фидæны æфсæддонты. Куыд зæгъы афтмæй йæ фырттæ йæ дæсныйад кæй равзæрстой уымæй йæ сæр бæрзæнтты хæссы. Хаджумарæй бафиппайдта йæ цот хуыздæры рдæм куыд ивынц уый.
Лæппутæ уыцы хъуыдыимæ разы сты. Сæ зæрдæ дарынц Суворовы номыл училищейы тыххæй сæ фырттæн кæй радзурдзысты.
Александр Суворовы номыл Цæгат Кавказы æфсæддон училищæйы 4-æм курсы хъомылгæнæг Дзгойты Хаджумар: «Сæхæдæг равзæрстой ацы дæсныйад. Мæнæн тынг æхсызгон уыд мæ хистæр фырт мын куы загъта Суворовы номыл училищейы йæ йæ тыхтæ бафæлварын кæй фæнды уый. Уæд ам нæма куыстон. Æппындæр ыл фæсмон нæ кæнын. Уымæн æмæ ацы ахуыргæнæндон республикæйы тыхджындæртæй иу у».
