Гаражтыл рейд

Раст зæгъгæйæ, йæ хæдзæрттæм кæнæ гаражтæм электрон тыхы телтæ æнæзакъонæй чи бауагъта, уыдон нæ республикæйы мин адæймагæй фылдæр сты. Уый зонгæйæ, компанийы кусджытæ ахæм бæстыхæйтты электрон рухс хуыссын кодтой. Хи хъæппæрисæй электрон рухс бауадзын у закъонхæлд. Сæйрагдæр та уый у, æмæ арæх цардæн тæссаг вæййы. Фылдæр хатт электрон тыхы телтæ гаражы сæр вæййынц. Афтæмæй та дзы сывæллæттæ арæх фæхъазынц. Специалисттæ ма иу хатт сидынц адæммæ – æдасдзинад сæйрагдæр у. Æмбæлгæ гæххæттытæ саразын зын нæу. Æппæт хъæугæ информаци та базонæн ис Дзæуджыхъæуы электрон тыхдæттæг куыстуаты.