Хæдзарон интернеты аргъ 2024-æм азы, гæнæн ис, æмæ схиза

Интернет, гæнæн ис, æмæ фæзынаргъдæр уа фидæны аз. Ахæм хатдзæг скодта информацион-аналитикон агентад “Телеком-Дэйли”. Специалисттæ æрфарстой федералон провайдерты 80 разамонæгæй фылдæры. Куыд рабæрæг, афтæмæй уыдонæй 82% дызæрдыг нæ кæнынц, аргъ кæй схиздзæн, ууыл. 44% та хъуыды кæнынц, уæрæсейæгтæ мæймæ интернетæн 10-15% фылдæр фидын кæй райдайдзысты. Кæй фарстой, уыдоны 13% та дызӕрдыг нӕ кӕнынц, аргъ 16% кæй фæфылдæр уыдзæн. Агентады хъусынгæнинагмæ гæсгæ, амалхъомад æрвылаз бæрæггæнæнтæм гæсгæ аргътыл бафтауы. Цæгат Ирыстоны кой куы кæнæм, уæд нæ регионы телекоммуникацион компаниты минæвæрттæй иу куыд фехъусын кодта, афтæмæй кусæнгарзы аргъ схызт. Афтæмæй сæ лæггæдтæн фиддонты аргъ нæма систой. Фæлæ фидæны,гæнæн ис, æмæ интернеты аргъ схиза. Сæйраг аххосаг у доллары курс.