Æрæфы районы Хъæлнæгътæйы цæрджытæ æййафынц къулымпыдзинæдтæ. Хъæумæ хæстæг цæугæдоны сæрты хиды иу хай ныккалд. Рагагъоммæйы бæрæггæнæнтæм гæсгæ йæ аххосаг у донивылд. Хиды цæджындзтæ дон бахордта. Ныртæккæ архайынц, цæмæй хъæумæ транспортæн бацæуæн уа. Бæлвырддæр нæ дарддæры æрмæджы.
Хиды иу хай кæй ныккалд, уый аххосæй адæм æййафынц къуылымпыдзинæдтæ. Уæвгæ, хъæуы цæры æрмæст 14 адæймаджы. Фæлæ алы бинонтæ дæр дарынц стурвос. Ныридæгæн сын хæринаг самал кæнын дæр сæ бон нæу. Тыхсынц, зымæгмæ холлаг сæвæрын куы байрæджы кæной, уымæй.
Ныридæгæн бахъуаджы рæстæг ардæм не ‘рбацæудзæн тагъд медицинон æххуысы хæдтулгæ дæр. Афтæмæй хъæуы та бирæ ацæргæ адæм ис, медикты æххуыс сын у æнæмæнг хъæугæ. Хид ныккалд дон былгæрæттæ кæй бахордта, уый аххосæй. 2 къуыримæ хæстæг цæрджытæн сæ бон нæу хæдтулгæйыл сæ хæдзармæ бахауын.
Цæрджыты ныхæстæм гæсгæ, хид сарæзтой 90-æм азты. Уыимæ, рæстæгмæйы хуызы, дзуры Хæтагты Валерий. Ныфс сын бавæрдтой хид кæй уыдзæн нырыккон, дзуапп дæтдзæн æппæт домæнтæн дæр. Хидимæ къуылымпыдзинæдтæ рагæй æййæфтой.
Донивылдты рæстæг иу ныппырх. Ныр та цæрджытæ тæрсынц, конструкци бынтон куы нал бафæраза, уымæй.
Хиды сæрты ахизæн кæй нæй, уымæ гæсгæ сæ бахъæуы æндæр фæндагыл цæуын. Уый ис Махческы уæллаг хайы. Уыцы балцвæд сын хæссы зындзинæдтæ. Уыимæ ма кæд хорз боныхæды фæндагыл цæуæн ис, уæд къæвда бон та тæссаг у, æлыг сæ хъыгдары.
Цæрджытæ æххуысы фæдыл сидынц. Æрæфы районы администрацийы минæвæртты ныхæстæм гæсгæ хид кæй ныккалд, уый аххосæгтæй иу у уæзласæн хæдтулгæтæ. Конструкци нæ бафæрæзта ахæм транспорты уæзæн. Республикæйы фæндаггон хæдзарады комитет ныридæгæн кусы фарста аиуварс кæныныл.
Цæрджытæ сæ ныфс дарынц, фарста хæстæгдæр рæстæг кæй аиуварс кæндзысты, ууыл. Сæйрагдæр та уазæлтты райдианмæ.
