Кæй адзæбæх кодтай, уыцы рынчынтæй арфæйы ныхæстæ фехъусын алы дохтырæн дӕр у æхсызгон. Хæмæтаты Марат афæдз æмæ ‘рдæг кусы Дзуарыхъæуы фелсырон-акушерон пункты. Раздæр уыд хирург горæты рынчындоны. Сфæнд кодта «Земский доктор» программæйы бацархайын. Дзуарыхъæуы цæрджытæ сæ дохтырæй разы сты. Куы бахъæуы, уæд æвæстиатæй фæтагъд кæны медицинон æххуыс бакæнынмæ.
Дзуарыхъæуы фелсырон-акушерон пункты цæрджытæн лæггад кæнынц дæсгай азты. Æрæджы хъæумæ дохтырæй кусынмæ æрцыд Хæмæтаты Марат. Адæмæн сси уарзон. Ныр амбулаторимæ æппындæр кæй нæ хъæуы, уыдон дæр сæ фæндаг ауылты ракæнынц. Марат раздæр горæты рынчындоны хирург уыд. Уый фæстæ бацархайдта национ проекты. Æрцыд хъæумæ. Йæхæдæг куыд радзырдта, афтæмæй ам адæмы æнæниздзинадæн дзуапп дæттын хъæуы ноджы бæрнондæрæй.
«Врач общей практики», зæгъгæ, специализаци хæрз æрæджы фæзынд. Алцыдæр чи зоны, ахæм дохтыртæ, æнæмæнг, хъæугæ сты хъæуты цæрджытæн, уæлдайдæр та хæххон районты чи цæры, уыдонæн. Марат дæр æй æмбæрста терапевт куыд хъæугæ у, уый æмæ уымæ гæсгæ сфæнд кодта амбулаторийы кусын. Куыд зæгъы, афтæмæй хæрзхъæд медицинон æххуыс бакæнæн ис æрмæст æмбæлгæ уавæрты.
Марат йæ пациентты фарсмæ æрбалæууы сæ зын сахат. Цалдæр сæдæйы йын сты. Æмдыхæй тох кодтой чысыл цæфтимӕ æмæ суанг пандемийæимæ. Зын куыст уыд уыцы рæстæг. Уæлдайдæр та низ дыккаг хатт куы апарахат, уæд. Адæмæн æмбарын кæнын хъуыд, цæмæй низимæ хи хъаруйæ ма тох кæной. Æмæ йын бантыст. Ныр цалдæр мæйы фæстæ пациенттæ Маратæй стыр бузныг сты. Арфæ йын кæнынц, йæ куыстмæ афтæ бæрнон цӕстӕй кæй кӕсы, уый тыххæй.
Пациентты фидарӕй уырны, хъæуы медицинæйы райрæзт фидæны аразгæ кӕй у Мараты хуызæн дохтыртæй. Æппынæдзух кусы йæхиуыл. Ацы куысты фæстæ рад фæхæссы медицинон хайады, уый фæстæ та ногæй æрыздæхы фелсырон-акушерон пунктмæ. Кæд ыл стыр хæс æвæрд ис, уæддæр дохтырмæ ис бæллиц ацы амбулаторийы хирургы исæнуат саразын. Ныридæгæн ын бæстыхайы бынат дæр ис. Зӕрдӕ дары, тагъд æмбæлгæ кусæнгӕрзтæ райсын йæ къухы кæй бафтдзæн, ууыл. Уæд ын фӕуыдзæн амбулаторийы мидӕг рог операцитæ кæныны фадат.
