Болгайраг режиссер Богдан Петканины æвæрд спектакль радыстой Дзæуджыхъæуы. «Любовь вопреки» фыст æрцыд сæрмагондæй Уырыссаг театрæн, арæзт у Левон Адамовы пьесæйы бындурыл, музыкæ та йæм ныффыста Александр Гоптарев.
Спектаклы æвдыст цæуы, уарзондзинад цы зындзинæдтыл сæмбæлы, уыдоны тыххæй. Цы лирикон æмæ драмон сценæтæ дзы ис, уыдон сты цардмæ хæстæг. Аивадон разамонæг Владимир Уваровы ныхæстæм гæсгæ, артисттæ сӕ алы композици дæр зарынц сæхæдæг.
