Хъæрмуæтты комплекс «Алани» байгом, байтыдтой дзы фыццаг мыггæгтæ

Хъæрмуæтты комплекс «Алани» байгом, байтыдтой дзы фыццаг мыггæгтæ. Ног хъæрмуæтты кæндзысты халсарты, комкоммæ дзургæйæ та – пъæмидоры куыст. Агрокомплексы арæзт æрцыд Горæтгæрон районы, афæдзмæ дзы фæнд кæнынц пъæмидорты 30 мин тоннæйы уадзын. Куыстуат æрбынат кодта 43 гектары фæзуатыл. Кондад у æрвылазон, продукци парахат кæндзысты куыд республикæйы, афтæ æндæр регионты дæр. Инвестицион проектмæ гæсгæ дзы фæзындзæн 900 куысты бынаты. Регионы бюджеты æфтиæгтæ та уыдзысты 200 милуан сомы. Хъæрмуæтты комплексы уавæртæн бынаты аргъ скодта регионы сæргълæууæг Сергей Меняйло.