Нацпроект «Хæрзхъæд æмæ æдас фæндæгты» фæлгæты ацы аз бындуронæй цалцæг кæнынц Дзæуджыхъæуы Æрыдойнаг уынджы фæндаджы уæлцъар. Ныртӕккӕ куыстытæ кæронмæ фæвæййынц.
Баззад ма Гæдиаты Цомахъы номыл уынгæй Къостайы проспекты ног фæндаджы уадздзаг банывыл кæнын. Объект эксплуатацийы хъуамæ радтой 15 сентябрмæ.
Нацроект Цæгат Ирыстоны æххæстгонд цæуы 2019 азæй фæстæмæ. Уыцы æмгъуыдмæ специалисттæ бацалцæг кодтой 56 уынджы. 24 уынгыл нырма куыст дарддæр цæуы.
