Цæгат Кавказы хæххон металлургон институты бындурыл архитектурæ æмæ дизайны Академийы студенттæ систы æрыгон архитекторты æмæ урбанистты IX Æппæтуæрæсеон æркасты уæлахиздзаутæ

Цæгат Кавказы хæххон металлургон институты бындурыл архитектурæ æмæ дизайны Академийы студенттæ систы æрыгон архитекторты æмæ урбанистты IX Æппæтуæрæсеон æркасты уæлахиздзаутæ. Абон хицауады сæрдары фыццаг хæдивæг Атарты Георгий æрбацыд фæсивæдæн арфæ ракæнынмæ. Уыдон æй базонгæ кодтой сæ проекттимæ. Багаты Богданæ рæгъмæ рахаста сæйраг парчы райрæзты концепци. Александр Трасковский йæ раныхасы фæнысан кодта ахсджиаг социалон проект — куыйты тезгъо кӕнынӕн сӕрмагонд фӕзуӕттӕ саразыны тыххӕй. Атарты Георгий студенттæн зæрдæ бавæрдта алывæрсыг æххуысæй сæ хъуыдытæ сæххæст кæнынæн. Фæнысан ма кæндзыстæм, арӕзтады министрадимӕ иумӕ кӕй бакусдзысты сӕ концепцитӕй республикӕйы райрæзты фæдыл проектты æмæ программæты куыд спайда кæнæн ис, уыцы фарстатыл. Уыимæ ма уæлдæр ахуыргæнæндоны ректор Хъамболты Дзамболат æмæ Баликъоты Арсенимæ бабæрæг кодтой академийы аудиторитæ æмæ базонгæ сты иннæ студентты куыстытимæ.