Хæххон-металлургон компани «Норильский никель» æмæ Цæгат Кавказы хæххон металлургон институт бафыстой æмгуыстады бадзырд. Уый тыххæй фехъусын кодтой сæрмагонд æмбырды. Архайдтой дзы нæ республикæйы сæргълæууæг Битарты Вячеслав, Норильскы минæвæрттæ æмæ уæлдæр ахуыргæнæндоны разамынд. Ныртæккæ Цæгат Кавказы хæххон металлургон институт кустуатæн цæттæ кæндзæн канд металлургты нæ фæлæ ма механикты, энергетикты æмæ æндæр специалистты.
Юрий Дмитрак куыд бафиппайдта афтæмæй Норильскы Цæгат Кавказы хæххон металлургон институты рауагъдонтæн кæнынц стыр аргъ. Уæ зæрдыл уын æрлæууын кæндзыстæм ацы куыстуат æмæ Хæххон металлургон институт æмгуыст кæнынц Советон дугæй нырмæ. Уæлдæр ахуыргæнæндоны ахуыргæндты совет «Норильский никель»-ы вице-президент Сергей Дяченкойы схорзæхджын кодта «Цæгат Кавказы хæххон металлургон институты кадджын профессоры» номæй. Сергей Дяченко загъта стыр бузныг ахæм аргъ ын кæй кæнынц уый тыххæй. Уымæй уæлдай ма фæнысан кодта хæххон-металургон институты студенттæ уæлдæр æмвæзады цæттæдзинад.
Куыстуат «Норильский никель»-ы генералон директоры хæдивæг Сергей Дяченко: «Ацы куыстуаты Цæгат Кавказы хæххон-металлургон институты рауагъдонтæ бирæ сты. Цы специалисттæ бацæттæ кодта уыдон сты фæлтæрджын. Сæ куысты æнтыстдзинæдты æмæ зонындзинæдты тыххæй сын кæнæм стыр аргъ. Сæ куыст кæнынц тынг бæстонæй. Уый тыххæй сын стыр бузныг».
