Цæгат æмæ Хуссар Ирыстоны тыххæй фылдæр информаци базоныны хъуыддаг фенцондæр. Ирыстоны рæсугъддæр бынæттæ, фысымуæттæ æмæ æндæр ахджиаг информаци ныр базонæн ис «visitalania.com»-ы,зæгъгæ сайты. Иугонд портал «Визит Алания»-йы проектыл бакуыста Дамбегты Алан. Сарæзтой йæ 3 мæйы æмгъуыдмæ. Аланийы райрæзты фонд «Рохсан»-ы æххуысæй. Дамбегты Аланы ныхæстæм гæсгæ, раздæр ахæм информацион фæрæз Ирыстоны нæ уыд. Ахæм хъуыддаг туристтæн æмæ нæ республикæйы уызджытæн уыдзæн пайда. Сæ бон уайтагъд базонын уыдзæн хъæугæ информаци. Бафтаудзыстæм ма уый, сайт ацы аз январы кæй фæзынд уый.
