Дуканиты хъæздыгдзинадæй цæст райы. Дыргъты алы хуызтæй тæрхæджытæ зæу-зæу кæнынц. Рæгъæд, аив æмæ экзотикон кæй хонынц, уыцы дыргътæй райдайдай æмæ хуымæтг сæрдыгæттæй фæуы. Рамбутан, папайя, питахайа, маракуя, манго. Адæм сæ æхсызгонæй æлхæнынц. Фæлæ зæгъын хъæуы уый, æмæ фылдæр витаминтæ ис ацы афоны дыргъты. Сæ уарзондæртæ сты: балтæ, алтъамитæ, харбызтæ, неситæ, фæткъуытæ æмæ кæрдотæ.
Дыргъты хуызтæ афæдзæй-афæдзмæ фылдæр кæнынц. Халсартæй æппæты парахатдæр сты пъамидортæ æмæ джитъритæ. Уæйгæнджытæ куыд зæгъынц, афтæмæй æргътæ ивгъуыд азæй нырмæ нæ фæивтой. Фæлæ æлхæнджытæ уыцы хъуыдыимæ разы не сты.
Республикæ архайы фылдæр бынæттон продукци парахат кæныныл. Хæдзарадтæ рæзынц, фæзынынц халсарты æмæ дыргъты ног хуызтæ. Специалистты хæс та у æргътæ æппынæдзух иу æмвæзадыл дарын.
Специалистты амынддзинадмæ гæсгæ алы дыргъæй дæр афоныл пайда кæнын хъæуы, уæд дзы вæййы æппæты фылдæр витаминтæ. Ныртæккæ фынгыл хъуамæ æппынæдзух уой дыргътæ æмæ халсартæ. Фæлæ уый фæдыл дохтыртæм сæхи хъуыды ис.
Ацы аз сæрд тынг æнтæф рауад. Дохтыртæ сидынц, цæмæй хойрæгты хæрзхъæддзинадмæ лæмбынæг кæсой. Ахсджиаг у зымæгмæ организм хъæугæ витаминтæ æм микроэлементтæй бафсадын.
