Æмæ афтæмæй тухæн кæнынц Урсдоны цæрджытæ. Хъæуы дон нæй ныр дыууæ боны. Уæвгæ ахæм уавæр сæвзæрд æртæ къуырийы размæ. Уæд иу доны цыд баурæдта цалдæр сахатмæ. Фæлæ та иу рацыд. Бынæттон цæрджытæ куыд æмбарны кæнынц, афтæмæй ма ахæм уавæр уыд фарон дæр. Сæ фарстайы фæдыл бæрнон кусджытæм дæр бацыдысты.
Фæлæ уавæр хорзæрдæм нæ аивта. Дон куыд чъизи уыд, афтæм у ныр дæр. Уый аххосаг та сты сыгъдæггæнæнтæ. Дон куыд æмбæлы афтæ нæ сыгъдæг кæнынц. Уымæ гæсгæ цæрджытæ дон æмбырд кæнынц хъæуы суадоны куыд нуазынæн, афтæ хæдзары куыстытæ кæнынæн дæр. Æмæ уый æнцон хъуыддаг нæу. Сæ хæдзæртты цы донцъирæнтæ ис, уыдон дæр не ‘ххæсыц доны æлхъывдадыл.
Уæвæры аххосаг раиртысыныл бацархайдтам мах дæр. Дыгуры районы Доны куыстуаты директор Тауаситы Сосланы ныхæстæм гæсгæ сæйраг аххосаг у доны бæрц зынгæ кæй фæкъаддæр, уый. Донуаты ахæм фарста сæвзæрд æнтæф бонты аххосæй.
Цæрджытæ дон ауадзынц æмæ боны дæргъы фæкæлы сæ цæхæрадæттæм, хи хæдзæртты уый арæх вæййы, зæгъынц специалисттæ. Фæлæ ма уавæрæн ис ноджы иу аххосаг. Къора-Урсдоны æмæ Хъарман-Сындзыхъæуы ‘хсæн системæйы ис ныллæг æлхъывдад. Цæрджытæ кæрæдзиуыл нæ хъуыды кæнынц.
Уыимæ ма адæм разы не сты, донæн сæ фидын кæй хъæуы, уыимæ. Афтæмæй та сæм дон сæ хæдзæртты нæй. Лыггæнаниг фарстайыл архайын райдыдтой – Хъарман-Сындзыхъæуы донуат куы фæзына, уæд уавæр аивдзæн. Ныридæгæн специалисттæ куысынц бынаты.
