Хауæццæгтæ хицæнæй æмбырд кæнынæн сæрмагонд контейнертæ самал кæнынæн Уæрæсейы регионтæ радон хатт райсдзысты субсиди. Уый фæрцы 43 регионы балхæндзысты 77 мин контейнеры.
Национ проект «Экологи»-йы фæлгæты нæ бæстæйы регионтæн рахай кодтой 1 млрд æмæ 500 млн сомы. Нæ бæстæйы æрдзон æвæрæнтæ æмæ экологийы министрад æхцайы фæрæзтæ субъекттæм фæхæццæ кæндзæн сентябрмæ. Уæ зæрдыл уын æрлæууын кæндзыстæм, хауæццæгты куыст кæныны фарстамæ æргом аздахыны хъуыды фæнысан кодта Уæрæсейы президент Владимир Путин. Куыд загъта, афтæмæй ацы фарста ахсджиаг у æппæт бæстæйы дæр.
